Propolis Nortzuk Gara Proiektuak Kontaktuak Berriak
	PROPOLIS berez,,hitzetik harturik dago, baina bere berezko bidea gehiago da aurre hartzea: artearen eta heziketaren bidez. PROPOLIS ikuspegi bat da, ulertzeko bide bat, ez-ulertzeetatik urrun, hiritartasuna eta partaidetza lortzeko proiektuen iturri. Guk, ezin zuen bestela izan, bete-betean sinesten dugu dêmo-an –nahiz eta, egia esan, ez diogun inoiz horrela deitzen– eta, baita ere, aniztasunaren, partaidetzaren eta integrazioaren balioan. Gu geu gara lehenengoak kulturaren, ingurugiroaren eta ekonomiaren eguneroko bizitzan, hau da, hitz gutxitan esanda, gure ingurune hurbileko eguneroko bizitzan sartu eta esku hartzen saiatzen. Honako hauek dira gure lanerako tresnak: informazioa, jolasa, sormena eta gaur egungo jardueretan oso zalantzan jartzen den zerbait: komunikazioa; sakelako telefonoarekin edo hori gabe. Gainera, beti gaude prest behar diren urratsak egiteko gune publikoak berreskuratzearen alde, doakotasunaren alde eta belaunaldien arteko elkartasunaren alde. PROPOLIS beste ezer baino lehen “hiri baten sarrera” da. Nolanahi ere, bestalde, hortik eratortzen den hitz zientifikoa –propoleoa-, gaur egun, erleek erlauntzak konpondu eta babesteko isurtzen duten gai bat izendatzeko erabiltzen da. Gai hori oso ospetsua da dituen dohain antibiotikoengatik. Etimologiari dagokionez, PROPOLIS guztiz zuzen dabil bere izenaren ildotik, bere xede nagusia komunitatearen bizitzan sartu eta laguntzea baita. Hori garapen iraunkorraren ikuspegi gizatiarraren emaitza da. Hitzaren esanahi eratorriari ere zuzen jarraitzen diogu. Izan ere, guk heziketaren, kulturaren eta artearen esparruan egiten ditugun proposamenak egoerari aurre hartzeko nahiz sendatzeko izaten dira. Hitz gutxitan esanda, PROPOLIS heziketa, kultura eta arte arloko jarduerak eta ekitaldiak antolatu, sustatu eta kudeatzeaz arduratzen da, erakunde publikoekin edo pribatuekin lankidetzan arituz, hiritarren partaidetza eta esku hartzea bultzatzen duten proiektuetan. Integrazio eta hiritartasun proiektuak zuzentzen eskarmentu handia duten hezitzaileak, artistak eta lankideak aritzen dira gurekin. Komeni bezala erabiltzen ditugu gaztelania, euskara eta frantsesa, betiere elkarbizitza eraikitzaile eta erabat baketsua lortzeko hizkuntza eta kultura guztien artean, ikus dezakezuenez greziarren arteko klasikoena barne. PROPOLIS oso bereziki ahalegintzen da bere proiektuak beste talde, elkarte eta pertsonekin lankidetzan osatu eta garatzen.
	Aviso Legal - web desarrollada por Altemir Comunicación